Ачык эшик күнү

25.04.2019 жыл Ачык эшик күнүндө «Бизнес информатика» адистиги активдуу катышышты.

«Бүткүл дүйнөлүк маалыматташтыруу» күнү

Ар жылы 26-Ноябрь «Бүткүл дүйнөлүк маалыматташтыруу» күнүндө кафедранын жалпы профессордук окутуучулук курамы «Бизнес информатика» адистигинин студенттеринин демилгеси менен биргеликте «Бизнес жана Менеджмент» факультетинде адистиктер аралык оюн-зоокторду, КВНдерди, конкурстарды уюштуруп жеңүүчүлөрдү аныктап куттуктоолорду уюштуруп келишет.

КВН — «Санариптик экономика»

Илим жумалыгынын алкагында уюштурулган «Санариптик экономика» деген аталыштагы КВНде «Бизнес информатика» адистигинин студенттери II-оорунду багындырышты.

«Аймактарды өнүктүрүү жана өлкөнү санариптештирүү» — Конок лекция

КР Президентинин жарлыгы менен 2019-жыл «Аймактарды өнүктүрүү жана өлкөнү санариптештирүү» жылы деп аталгандыгына байланыштуу «Бизнес информатика» адистигинин жалпы студенттеринин катышуусунда конок лекция болуп өттү.

Негизги конок — «Кыргыз жайыты» улуттук ассоциациясынын Ош, Баткен областтары боюнча координатору Сактанов Арапбай «Жайыт башкаруу жана пайдалануу жана информациялык электрондук жайыт комитет» деген темада жогорку деңгээлде лекция окуду. Лекциянын жүрүшүндө өлкөнү санариптештирүүнүн пайдалуу жактары кеңири талкууланды.

AYBAT FIGHTING CHAMPIONSHIP — I-оорун

Жалал-Абад областынын Ала-Бука районунда «AYBAT FIGHTING CHAMPIONSHIP» спорт клубунун демөөрчүлүгүндө өткөн эл аралык турнирде ОшМУнун БиМ факультетинин «Бизнес информатика» адистигинин 1-курсунун студенти Тойчибеков Аскат I-оорунду багындырып атайын сыйлыктар менен сыйланды.

Аскаттын ийгилиги менен кафедранын жалпы ПОК курамы аны куттуктап, мындан аркы окуусунда жана спорттук беттешүүлөрүндө чоң ийгиликтерди каалашты.

Компетенциялар, окуунун жыйынтыктары жана максаттары

«Бизнес информатика жана экономикадагы математика» кафедрасынын профессордук окутуучулук курамы тарабынан жана тайпалардын кураторлорунун жардамы менен «Бизнес информатика» адистигинин жалпы студенттерине адистикти калыптандыра турган компетенциялар, окуунун жыйынтыктары жана максаттары боюнча атайын кеңири маалыматтар берилип турат.