Институт экономики, бизнеса и менеджмента
wer
kg
ru
en
ch

Связь с международными университетами

Институттун кыскача тарыхы:

“Экономика, Бизнес жана менеджмент” институту университеттин курамындагы алдыңкы институттуардын бири болуп эсептелет. Ош мамлекеттик университети республиканын эгемендүүлүгүнүн алгачкы беш жылдыгында өтө интенсивдүү өнүгө баштаган. Ушул жылдары башка багыттар менен бир катарда университеттин эл аралык байланыштары күчөгөн жана дүйнөлүк билим берүү мейкиндигине интеграциялануу боюнча аракеттер натыйжа бере баштаган. Университеттин ошол кездеги ректору Б.Бешимовдун демилгеси менен 1994-жылдын 29-апрелинде ОшМУ жана Портленд (АКШ) университеттеринин ортосунда үч этаптан турган бизнес жана менеджмент боюнча биргелешип кадр даярдоо жөнүндөгү келишимге кол коюлган. Бул келишимге ылайык биринчи этапта 1994-1995-жылдары университеттин үч окутуучусу жана үч студенти АКШда стажировкада болуп кайтышкан.

1995-1996-жылдары проекттин экинчи этабында 14 окутуучу америкалык профессорлордун микроэкономика жана макроэкономика, бухгалтердик эсеп, финансы жана кредит, компьютердик технологиялар, финансылык укук боюнча лекциялар курсун угушкан. Проекттин үчүнчү этабында 1996-жылы “Бизнес жана менеджмент” факультети ачылган. Кыргыз Республикасынын Билим берүү илим жана маданият министрлигинин № 714 12.06.1997 жылындагы чечимине ылайык г.16.308

“Ишканаларды башкаруунун экономикасы” адистигине лицензия берилип бул лицензиянын негизинде “Бизнес жана менеджмент” факультетинин сырттан окуу бөлүмүндө адистерди даярдоого уруксаат берилген.

2004-жылдан тартып экономика жана менеджмент багыттары боюнча эки баскычтуу «бакалавр-магистр» окуу системасы өздөштүрүлүп ийгиликтүү иштеп баштады.

Университеттин «Интеграция» консорциуму аркылуу 2006-жылдын январынан тартып экономикалык багыт боюнча аудио жана видео, электрондук окуу курсун жана предметтер боюнча видеолекциялар жыйнагын факультеттеги окуу процессинде пайдаланууга шарт түзүлдү.

2008-2009-окуу жылынын сентябрь айында Магистратура бөлүмү «Бизнес жана менеджмент» факультетинин базасында ачылды.

2010-жылдын декабрь айынан тартып 2012-жылдын май айы аралыгында факультет Орто Азиядагы жогорку окуу жайларынын окуу программаларын аккредитациялоо боюнча TEMPUS проектисине катышып, “Экономика” багыты боюнча окутуунун сапатын текшерүүдө бардык баскычтардан ийгиликтүү өтүп, эл аралык аккредитациялоонун сертификатына ээ болду.

2015-жылы “Бизнес жана менеджмент” факультетинде: Коммерциялык эмес уюмдарды башкаруу (КЭУБ) ресурстук борбору менен биргелешип башкаруу боюнча программасы АКШнын эл аралык өнүгүү боюнча агенттиги (USAID) аркылуу Америка элинин колдоосу менен ачылды. Ал Ош, Жалал-Абад жана Баткен областарындагы университеттерди колдоого багытталды.

«Бизнес жана менеджмент» факультети баардык багыттары боюнча билим берүү программаларын аккредитациядан ийгиликтүү өткөрүштү жана аккредитациялоонун сертификатына ээ болушту.

Факультеттин өнүгүү тарыхында э.и.к., доцент Ж.К.Акназарова (1996-2003), э.и.д., профессор П.К.Купуев (2003-2005; 2008-2009), э.и.д., профессор У.Ж.Эргешбаев (2005-2008), э.и.д., профессор М.Ж.Айбашев (2008-2009), ф-м.и.к., доцент А.Р.Асанов (2009-2015) э.и.д., профессор М.Б.Убайдуллаев (2015-2020), 2020-2024 жылдар аралыгында чейин факультетти э.и.к., доцент Т.М.Исраилов декан катары жетектеп келишкен.

2024-жылы Бизнес жана менеджмент факультети - Экономика, бизнес жана менеджмент институту болуп өзгөрдү. Азыркы учурда институтту э.и.к., доцент Т.М.Исраилов директор катары жетектеп келүүдө.

Институттун миссиясы:

  • Азыркы санариптешкен замандын талабына ылайык жаңы маалыматтык технологияларды колдоно билген, чет тилдерин жогорку деңгээлде өздөштүргөн, заманбап рыноктук экономиканын талаптарына жооп бере турган, бизнести-башкаруу жана менеджмент багытында уюштуруу иштерин толук аткара алган, мамлекеттик жана муниципалдык башкаруу чөйрөсүндөгү баардык багыттар боюнча жогорку квалификациялуу, атаандаштыкка жөндөмдүү адистерди даярдоо.

    • Институттун максаты:

  • Эгемендүүлүккө чейин экономикалык багыттагы адистер борбордогу 3 ЖОЖдо гана даярдалгандыгын жана бул адистердин квалификациясы жаңы рыноктук шарттарга жооп бербегендигин эске алсак, ОшМУда “Экономика, Бизнес жана менеджмент” институтунун ачылышы өз учурунда институт катары иштей баштаган алгачкы күндөрдөн баштап өз алдынча рыноктук экономика шартында конкуренцияга туруштук бере алган, заманбап информациялык технологияларды терең өздөштүргөн, чет тилдерди жакшы билген, республиканын экономикасында жүрүп жаткан реформаларга салым кошо ала турган, коомубуз үчүн жаңы болгон жеке ишмердүүлүктү ишке ашыра алган, чет өлкөлөрдө жана эл аралык структураларда иштеп кете ала турган жаңы муундагы башкаруучу жана бизнес кадрларды даярдоонун ордосуна айлануу.

    • Экономика, бизнес жана менеджмент институтунун директору:

    э.и.к., доцент Исраилов Тимур Мурзабекович

    Институттун маалымат булактары

    facebook баракчасы

    Instagram баракчасы

    YouTube каналы

    Байланыш номерлери:

    0(3222) 4-57-39, +996 777 777 904



    Институттун бөлүмдөрү

    1. “Бизнес информатика жана экономикадагы математика” кафедрасы;
    2. “Бухгалтердик эсеп жана экономикалык анализ” кафедрасы;
    3. “Ишканалар экономикасын башкаруу” кафедрасы;
    4. “Менеджмент жана маркетинг” кафедрасы;
    5. “Мамлекеттик жана муниципалдык башкаруу” кафедрасы;
    6. “Финансы жана банк иши” кафедрасы;
    7. “Экономика жана салыктар” кафедрасы;
    8. “Социалдык иштер” кафедрасы.

    Институттагы адистиктер жана багыттар

    Бакалавр:

    1. Экономика (шифр - 580100)
      2. Профильдер:
      • Финансы жана кредит;
      • Бухгалтердик эсеп, анализ жана аудит;
      • Салык жана салык салуу;
      • Ишканалар экономикасын башкаруу;
      • Экономикадагы математикалык методдор.
      • IT-Бухгалтерия.
      • Банк иши.

    2. Мамлекеттик жана муниципалдык башкаруу (шифр - 580900)
    3. Бизнес информатика (шифр - 580500)
    4. Менеджмент (шифр - 580200)
    5. Бизнес башкаруу (шифр - 580700)
    6. Социалдык иштер (шифр - 540200)

    Магистратура:

    1. Экономика (шифр - 580100)
    2. Менеджмент (шифр - 580200)
    3. Социалдык иштер (шифр - 540200)

    PHD докторантура:

    1. Экономика (шифр - 580100)

    Институттун инфраструктурасы

    • Экономика, бизнес жана менеджмент институтунун имараты 2009-жылы пайдаланууга берилген.
    • Институттун окутуу аянты 6075 чарчы метрди түзөт. Мындан тышкары, спорт аянтчасы жана 150 орундуу ашканасы бар.
    • Сабактарды өтүүдө 2 чоң окуу корпус колдонулат, алардын ичинен 12 кабинет башкаруу структурасына берилген. Институттун ичинде жалпы 8 кафедра, 4 конференциялык зал, 42 окуу аудитория, 7 компьютердик класс (125 тен ашуун компьютери менен), 2 чоң актовый зал бар.
    • Аудиториялар керектүү окуу эмеректери жана окуу жабдуулары (20дан ашуун проекторлор, 8 интерактивный доска жана 6 интерактивный панель)менен жабдылган.

    Эл-аралык жана ички ЖОЖдор менен болгон байланыштары

    Экономика, бизнес жана менеджмент институту бүгүнкү күндө төмөндөгү чет өлкөлүк ЖОЖдор менен кызматашуусун улантып келүүдө:

    1. Л. Н. Гумилев атындагы Евразия Улуттук Университети
    2. Санкт-Петербург мамлекетик университети
    3. Урал мамлекеттик экономикалык университети
    4. Дизайн жана өнөр-жай технологиялары Санкт-Петербург мамлекетик университети
    5. Новосибирск мамлекеттик агрардык университети
    6. Фергана политехникалык институту
    7. Кадис университети (Испания)
    8. Мирзо Улугбек атындагы Өзбекстан улуттук университети
    9. Ташкент мамлекеттик экономикалык университети
    10. Андижон мамлекеттик университети
    11. Фергана мамлекеттик университети
    12. Казакстан улуттук агрардык университети
    13. Оренбург мамлекеттик университети
    14. Кастамону университети (Туркия)

    Экономика, бизнес жана менеджмент институту бүгүнкү күндө төмөндөгү ички ЖОЖдор менен кызматташуусун үзгүлтүксүз улантууда:

    1. Ош технологиялык университети
    2. Кыргыз-Өзбек Эл аралык университети
    3. Нарын мамлекеттик университети
    4. Жалал-Абад мамлекеттик университети
    5. К. Токтомаматов атындагы Эл аралык университети
    6. Баткен мамлекеттик университети
    7. Ж. Абдрахманов атындагы Кыргыз республикасынын президентинин алдындагы мамлекеттик башкаруу академиясы
    8. К. Тыныстанов атындагы Ыссык-Көл мамлекеттик университети
    9. М.Рыскулбеков атындагы Кыргыз экономикалык университети
    10. Ж.Баласагын атындагы Кыргыз улуттук университети
    11. Бишкек гуманитардык университети
    12. Кыргыз-Турк «Манас» университети
    13. Кыргыз мамлекеттик техникалык университети
    14. И.Арабаев атындагы Бишкек мамлекеттик университети
    15. Б.Н.Ельцин атындагы Кыргыз-Россия славян университети